貼士一：每日戴CON≠買Day CON
喺決定買日拋定兩週拋隱形眼鏡之前，首先要知道自己戴CON嘅頻密程度。
日日戴CON，就一定要買Day CON？唔係成日戴CON，就買副襟用啲嘅兩週CON？雙週拋隱形眼鏡其實唔會襟用啲，因為兩週CON嘅使用期限只有兩個星期，無論你係開咗副CON之後戴咗幾多次，只要過咗兩個星期後就唔可以再戴。相反，日拋隱形眼鏡嘅彈性就大好多，無論你幾耐先戴一次隱形眼鏡，只要喺保存期限內用完就冇問題啦。簡而言之，日拋隱形眼鏡適合間唔中先戴一次CON嘅你；而兩週拋隱形眼鏡就比較適合每日都戴CON嘅你。
貼士二：Day CON最適合生活忙碌嘅你
揀CON前，除咗要留意戴CON嘅頻密程度，仲要考慮埋自己本身對隱形眼鏡嘅保養習慣。
因為Day CON同兩週CON其中一個最大嘅分別，就係保養上嘅唔同。日拋隱形眼鏡即開即用即棄，相反，兩週拋隱形眼鏡就要每次使用去蛋白保養液洗走副CON上面嘅蛋白質。視光師仲建議戴兩週拋嘅人每日換CON水，同埋每次戴上眼前後都要用做好清潔隱形眼鏡嘅步驟。如果你平時已經好忙，冇時間為副CON進行以上嘅保養程序，咁就最好揀方便使用嘅Day CON。日拋隱形眼鏡即開即用，未用之前唔需要浸或者換CON水，既慳時間又方便。
貼士三：睇清楚散光度數同弧度
要買CON，最緊要揀啱散光度數同弧度！唔同週期嘅隱形眼鏡，提供嘅散光度數都唔一樣。
一般嘅Day CON嘅散光度數只可去到175度，而兩週CON就可以去到275度。而同廠唔同週期嘅隱形眼鏡，又有唔同嘅弧度選擇。以強生ACUVUE隱形眼鏡為例，佢哋嘅日拋隱形眼鏡弧度分為8.5 同9.0mm，而兩週拋隱形眼鏡弧度就分為8.4 同8.8mm。所以買CON前，一定要搵專業眼科視光師驗眼，然後根據散光度數同弧度，買副最啱你嘅隱形眼鏡。
睇完呢3個揀CON貼士，相信大家都對點揀隱形眼鏡有基本了解。市面上咁多CON，除咗考慮以上因素外，隱形眼鏡嘅舒適度同款式都好重要，花多眼亂唔知點揀好？快啲聯絡我哋嘅專業眼鏡顧問，等我哋幫你推介最適合你嘅隱形眼鏡啦。
USKO提供多款隱形眼鏡推薦
強生ACUVUE日拋／兩週拋隱形眼鏡，快啲撳入去睇下！
